廣記粥店

营业中

休息中

呢几日个胃唔系咁舒服，所以就谂住去食啲清淡嘅嘢，突然谂起有一间怀旧老字号嘅粥店，就立即入去叫咗一碗皮蛋瘦肉粥，一碗滑牛粥，一份炸两同埋一份鱼片肠粉。皮蛋瘦肉粥及炸两成碗粥都好足料，不单止有好多皮蛋仲有唔少瘦肉喺里面，而且个粥底好棉好好味重点系冇乜味精，食完唔会觉得好口渴。而炸两就一般般冇咩特别。滑牛粥一样都系好足料，有好多块滑牛喺里面，而且再加咗一啲生菜碎，令到个口感丰富咗，成碗粥都好棉好清淡，唔错唔错👍🏻👍🏻鱼片肠粉平时去其他粥舖好少会见到鱼片肠粉，所以一见到就叫左一份黎试吓啦，结果好有惊喜。肠粉好滑几烟靭，而且鱼片都好滑身，再加上有少少姜丝调味，一啲都唔腥，好好食。