八妹雞煲

营业中

休息中

今次嚟到大埔试下呢间鸡煲，之前上网睇过，俾佢嘅装修吸引到。以街铺特色做主题，打卡位好多。虽然系地铺，但附近泊车都算方便，揸车嘅朋友唔洗担心。两个人食，但都叫左全只鸡，因为谂住平时食鸡煲一只都唔够喉。但今次真系低估左呢个鸡煲，只鸡好大只，超抵食。至于味道亦无令我失望。花椒八角味好重，麻度同辣度好平衡。鸡煲上台嘅时候可立即食得，鸡肉无煮过老，每件都保持到嫩滑。打边炉嘅配料都好多种类，牛肉都有三款可以拣，海鲜，传统打边炉嘅配料全部都抵食嘅。但因为个鸡煲好饱，两人都叫唔到好多野食，所以叫左几样钟意食嘅就算。大大杯柠檬茶同椰汁冰，非常推荐大家叫，一路打边炉一路慢慢饮。即炸响铃，1.碟有5大旧非常脆口，浸埋汤咁食，简直系一流如果麻麻地鸡煲嘅朋友其实都可以一试，因为佢另外都有几款创意汤底，投其所好。