稻八日式火鍋炸物放題 (已結業)

平时食日式火锅、放题之类都要出到油尖旺，而家大埔都有啦！方便住新界既朋友。呢间系主打火锅+炸物放题，汤底有8款简，咁岩今日去到撞正佢推出的新汤底，系冬荫功毛蟹汤，入面有成只蟹架！汤头酸酸地，唔会话好辣！叫完个套餐，店员即刻就拎左肉类上台，份量好多！我地几个女仔食完第一轮肉都好饱了。呢到最有趣系可以自己炸野食，店内会准备好一串串的食物，包括麻吉烧、青椒、烧卖等等。自己个人最钟意芋头鱼饼！简好之后，可以自己点炸浆同埋面包糠，再自己炸！炸完仲可以加调味粉，推荐海苔及孜然粉！火锅料方面都好多，系自助式，有好多丸类、响铃、生根。熟食有咖哩饭。前菜都好丰富，有凉拌青瓜、螺肉等等。所以呢一餐食到好饱，好满足。走之前可以凭收据领取movenpick / dreyers’雪糕! 店员仲比左优惠卷我地， 可以食满$400 当$100 用，一定会再来的！