良鮨壽司

营业中

休息中

前日同男朋友踩完单车去到大埔，玩完一日鬼死咁攰，于是决定食餐好嘅日本嘢，之后见到呢间日本餐厅，就决定入去试一试，一入到去就见到佢瞓咗坐吧枱同普通枱，因为吧枱比较多人坐，所有我哋就坐咗普通嘅枱，佢个吧枱摆咗唔同嘅鱼生，能够咁公开咁比客人睇，首先已经觉得佢嘅用料应该非常新鲜，之后我哋睇一睇餐牌，佢分别有唔同嘅寿司刺身同鱼生饭重有一啲日本熟食嘅料理，我哋最后拣咗两个丼饭、日式煎饺子同埋芝士吉列虾卷，仲有焦糖鹅肝寿司，首先讲吓个丼饭，我食𠮶个丼饭系亲子丼饭，呢个丼饭，入边有三文鱼同三文鱼子，三文鱼非常新鲜肥美，而三文鱼子方面，每粒都晶凝通透，从颜色去睇已经知道呢啲鱼子好新鲜，一担鱼子一啖饭，有一种幸福嘅感觉，而芝士吉列虾卷，佢个芝士味好浓厚，吉列虾炸得好松脆，加埋饭一齐食，呢个配搭非常好，另外焦糖鹅肝寿司，鹅肝食落唔油腻，且有少少既甜味，第一次觉得原来焦糖同鹅肝个味道系咁夹，整体而言，呢度啲寿司有创意得黎，又非常好食，再加上用料新鲜，算系一间有质素既日本料理餐厅。