金鷺湖

营业中

休息中

周末趁天气吾错，就同左朋友去小白鹭影相，之后book定窗口位食埋中菜，一边食饭一边欣赏湖景。餐厅装修华丽，有种低调奢华嘅感觉。叫咗龙井茶，茶香扑鼻，味道清新，喺等菜嘅时候就已经觉得好享受。前菜小食有腰果，香脆可口，酱料有XO 酱，味道浓郁，少许香辣味。鹅肝酱炸虾丸 每一个虾丸都炸到外皮金黄酥脆，入面酿左鹅肝酱，鹅肝酱嘅浓郁与虾丸嘅鲜甜完美融合，层次丰富，口感细腻嘅鹅肝酱为味蕾带来奢华感。明太子酿蟹盖 卖相精致，蟹肉份量超级多，口感鲜美，明太子嘅咸香提升咗蟹肉嘅味道层次，令人食指大动。砵酒焗美国生蚝 一开盖就闻到砵酒特有嘅香气，焗美国生蚝肥美，金黄色嘅焗生蚝肉质鲜嫩而富有弹性，与砵酒嘅微醺香气完美融合，每一口焗生蚝都有酒香嘅回韵，令人回味无穷。蜜饯榄角脆香骨 带有一种温和嘅甜香，与炸香骨嘅咸香味相互平衡，，增添一份特色嘅风味。