名 料理 (已結業)

今次要介绍既食店叫名料理，系一间日本居酒屋，位置清静，好啱情侣食吓嘢饮吓酒倾吓偈。主打有寿司刺身，有炸物，亦有烧物，我今次选择左烧物。先黎既系矶烧鲍鱼，肉嫩多汁，口感烟韧。之后系烧原只帆立贝，卖相已经好吸引，好有鲜味，加埋飞鱼籽口感更有层次。再黎既系蒲烧鳗鱼饭，香味已经令你食欲大增，肉质肥美但系完全唔会觉得油腻，啲鱼油同酱汁可以令你食多几碗饭。最后仲有好好味既日式芝麻鸡奕，啖啖肉又香口，真系食多几只都冇问题👍饮品都有好多选择，除左酒之外，仲有梳打，我就拣左试吓菠萝梳打，用新鲜菠萝酸酸甜甜非常醒胃。