德國餐廳 (翠怡花園) (已搬遷) 新店位置

今日同朋友系大埔揾野食，由于我同朋友都想饮住酒吹下水，于是就黎到呢间德国菜餐厅到dinner。咁大家都知德国菜最出名就系猪手、香肠同啤酒。呢间餐厅除左有德国菜外，仲有好多西餐拣，好似西冷扒、意粉同pizza。我同朋友都系叫左法式烧春鸡。呢到既烧春鸡非常大份，仲分好埋，唔洗自己用手食。呢份烧春鸡唔系太油腻，怕肥既人都会岩食。呢份烧春鸡配上茄汁同沙律酱，令到烧春鸡既味唔会太寡。烧春鸡仲配上薯条，令到我地可以有其他野食下。正如我一开始讲，其实我地想一路饮啤酒一路吹下水。我地仲分别嗌左两杯啤酒。整体黎讲价钱都唔太贵，每人250左右就食到非常之饱，如果唔嗌啤酒既话仲可以平d tim。呢间餐厅系其他地区都有分店，值得一试。