東江食家

营业中

休息中

今日好热，谂住简简单单食完餐晚饭就算。于是去左东江食家买外卖返屋企。呢间食店由细食到大，食物的质素一向好稳定。叫左2个饭盒，原来饭盒会再送多个细汤，我地三个人食，就再要多个大汤。今日系花生鸡脚汤，佢地的汤的款式不多，你来食5次，可能都会有3次系呢个汤。大汤 ($13) 有2只鸡脚，细汤就有1只。今日啲花生好多，而无论是花生定微豆都煲得好淋，好好饮。鸡脚就几乎皮骨分离，所以亦好易咬，今晚最满意呢个汤。跟住介绍是梅菜扣肉饭。今日的饭底好好食，好干身，而梅菜的味就甜甜地，好好送饭。扣肉就瘦肉多过肥猪肉，无论是瘦肉定肥猪肉部份都好入味，但又唔会过咸，值得推荐。跟住系豆腐鱼腩饭，饭量好多，我地最后食唔哂啲饭。个芡汁唔会太结太咸，但豆腐比鱼腩好食，鱼腩个皮太厚，鱼又太实，呢只鱼腩唔系咁好食。最后呢餐是$119，有2个饭+3个汤，cp值算唔错。呢间系大埔的老字号，由细食到大，质素都能够KEEP到，真系算唔错。