茶餐廳2.0 (已結業)

呢日放工喺大埔同屋企人试下一间新开咗冇几耐嘅餐厅， 呢间餐厅几特别水吧位系喺门口， 仲有鸡蛋仔卖， 呢间餐厅都几多元化， 由中式小炒， 西式意粉，扒类和鸡蛋仔都有。黑松露忌廉海鲜天使面餐汤可以拣罗宋汤， 罗宋汤正常， 个意粉嘅份量都几大碟， 意粉嘅酱汁几creamy有黑松露嘅味道。栗子炆鸡我叫了两款中式小菜， 其中一个系栗子炆鸡， 食得出呢个栗子炆鸡主要系用蚝油汁嚟做调味， 食落几有镬气， 鸡嘅肉质都够鲜嫩。椒盐鲜鱿另外一款小菜我哋叫咗椒盐鲜鱿， 呢个椒盐鲜鱿 可以做到大排档嘅水准， 鲜鱿嘅粉浆炸得好脆， 而椒盐嘅调味都调教得好惹味。咖哩羊仔柳配蒜蓉包呢度嘅咖哩系用咗多种香料做成， 好丰富嘅香料味， 羊仔柳嘅肉质几嫩滑， 冇羊嘅骚味，而蒜蓉包系搽咗一啲蒜蓉牛油烘热。雪糕鲜果鸡蛋仔鸡蛋仔系即叫即做， 需时大概十分钟， 配咗蓝莓，士多啤梨，忌廉，云呢拿雪糕。黑糖鲜奶/ 雪泡奇缘呢度都有几款台式饮品可以选择例如黑糖鲜奶， 雪泡奇缘饮落去有啲似朱古力咖啡， 但系呢只嘅朱古力味有啲特别， 有少少加咗榛子酱嘅味道。