洪記

营业中

休息中

讲起食在大埔，第一时间就会上街市二楼，而由细食到大就一定系鱼旦粉。街市二楼有好几间食鱼旦粉o既店，我比较常去洪记。洪记卖o既鱼旦同炸鱼皮全部自家自设工场制造，鱼旦细细粒但好有鱼味，炸鱼皮又香又脆，唔会硬堀堀。讲到个汤底，食唔到有味精，味道好清，连埋o的葱花一齐食就perfect。值得一提系，想食粉又想食面o既朋友，系可以叫鸳鸯o架，即系又有粉又有面。不过，每碗o既份量唔多，一般人都会叫一个粉/面，再叫一个净鱼旦，再唔系一个人叫两碗粉面都好常见。同埋街市座位不多，如果想食洪记，可以拣隔离间茶记坐低再叫佢送过黎，咁就可以食鱼旦粉又可以饮杯咖啡或奶茶喇。以前好多人话洪记服务态度差，其实依家香港好多食肆都冇左服务态度好耐啦，所以又唔觉洪记特别差态度。当然去得街市食，都预左服务态度、环境卫生唔会系5粒星啦。