暢和號 (翠怡花園) (已結業)

大埔街坊推介嘅海南鸡饭！由九龙市区特登搭车入嚟大埔试一试喱间畅和号，叫咗个二人餐，超丰富。$178会半包只鸡，任选一款配菜、小食、两个饭、再包两碗汤，当然某啲特别菜式要额外加钱。首先佢嚟嘅半只鸡真系好足料，嚟到都已经知道两个人未必食得哂，再加上佢一大兜嘅菜，果然大埔食嘢真系特别唔同啲好有街坊人情味。但系值得一提嘅就系佢嘅秘制芝麻虾多士，真系要趁热食，同埋超级脆，每一啖呢你会见到啲虾呢系铺满喺个多士上面，每一个位置都会有虾肉，加上芝麻配搭起上嚟特别香口，嚟到一定要必点必试。都系各自加咗少少钱，转左杯特饮，同埋泰式奶茶同龙眼茶。饮品方面就不过不失啦都唔错。当我食到已经饱到上心口嘅时候唔记得咗原来仲有甜品，就系椰汁西米糕，佢呢个椰汁真系好浓郁，配搭个西米超好味，椰汁真系好正好正，大致上$200，食到好饱之余仲要打包走，果然系大埔街坊推荐嘅餐厅。