影片
更多
2022-05-30
253 浏览
是日放工去咗转大埔一间几受街坊欢迎嘅bar restaurant同fd聚一聚～入去嘅时候见到啲客人同啲staff/老板都几好倾，成个气氛好似真系落咗bar咁，但我哋就唔谂住饮酒，只系嚟食个饱肚嘅晚餐，吹下水咁。原本想嗌猪肋骨试试，但可能太受欢迎，嚟到已经卖晒><最尾拣咗三样嘢食，份量都几多，坐咗大约2个钟，慢慢食先食得晒😂鸡翼三重奏 $88有水牛城、牛油、蜜糖芥末三只味，每款两只。整得几入味，几多汁。蜜糖芥末味啖啖食落去都有酱汁嘅味道，好邪恶。水牛城鸡翼嘅甜辣度拿捏得啱啱好。牛油味够热，啲牛油渗入去只鸡翼嘅程度啱啱好，应该系即叫即整。呢份鸡翼拼盘我哋唔系喺佢上枱时就即刻食，但仍然能够保持热度，抵赞！烤美式春鸡配薯菜 $138其中一个主食。厨师好贴心，轻轻将春鸡𠝹开咗4份，等我哋易啲分配。春鸡个size都几大，配埋个香草蓉（？）做酱，浸味唔会寡，好抵食。薯菜有薯条同番薯条，一次过试晒两款，推荐呢个！西班牙海鲜焗饭 $158系三样嘢之中最贵𠮶样。正常分量，入面有两只大虾，有几嚿青口，味道不过不失啦。唔系必食，但如果想摄取下碳水都可以嗌嚟食。见到隔离枱嗌咗burger，应该系
入去嘅时候见到啲客人同啲staff/老板都几好倾，成个气氛好似真系落咗bar咁，但我哋就唔谂住饮酒，只系嚟食个饱肚嘅晚餐，吹下水咁。
原本想嗌猪肋骨试试，但可能太受欢迎，嚟到已经卖晒><最尾拣咗三样嘢食，份量都几多，坐咗大约2个钟，慢慢食先食得晒😂
鸡翼三重奏 $88
有水牛城、牛油、蜜糖芥末三只味，每款两只。整得几入味，几多汁。蜜糖芥末味啖啖食落去都有酱汁嘅味道，好邪恶。水牛城鸡翼嘅甜辣度拿捏得啱啱好。牛油味够热，啲牛油渗入去只鸡翼嘅程度啱啱好，应该系即叫即整。呢份鸡翼拼盘我哋唔系喺佢上枱时就即刻食，但仍然能够保持热度，抵赞！
烤美式春鸡配薯菜 $138
其中一个主食。厨师好贴心，轻轻将春鸡𠝹开咗4份，等我哋易啲分配。春鸡个size都几大，配埋个香草蓉（？）做酱，浸味唔会寡，好抵食。薯菜有薯条同番薯条，一次过试晒两款，推荐呢个！
西班牙海鲜焗饭 $158
系三样嘢之中最贵𠮶样。正常分量，入面有两只大虾，有几嚿青口，味道不过不失啦。唔系必食，但如果想摄取下碳水都可以嗌嚟食。
见到隔离枱嗌咗burger，应该系车打芝士烟肉牛肉汉堡配薯条（$118），份量好多，个burger好厚，下次有机会再嚟嘅一定会试呢个！！
张贴
