鴻發香港仔魚蛋粉

营业中

休息中

用餐时间 （9:39pm late dinner）follow@wojengyea/@wo!正嘢 for more food info🐒 支持我哋发掘更多美食 😋接朋友放工一齐去食碗粉面。叫咗碗原汁牛腩河$48 牛腩肥肥地，好腍超好食，肥膏边好香油脂味，不过唔够胆食啲肥膏，惊变滔滔。配返碟菜心$13少蚝油，感觉良好啲。略嫌油菜，份量细份咗啲。见佢有支装汽水，不过我自己买咗废水，所以冇叫。朋友叫咗碟猪扒煎蛋饭$48，虽然话系快餐，不过一啲都唔马虎，笃穿只荷包蛋，蛋汁流哂出来，配合埋甜豉油，超好食。嚿猪扒大大嚿，腌得好入味，而且面头煎得金黄，锁住肉汁，绝对系当之无愧嘅Comfort good。冻奶茶搞唔掂，好涩同埋好难饮。