洪記

营业中

休息中

晨早十一时之前到达，人唔太多。跟假日人头涌涌嘅情况大相迳庭。可以舒舒服服慢慢叹，一乐也...早听过呢度几招积--- 早早收炉、服务态度差、等得耐、唔俾影相等等...简直应有尽有。可能平日人少D啦，今次去到又冇乜大问题wor...知道佢哋独沽一味卖鱼蛋，所以一坐低就即叫蛋河。好彩之前有做过下功课，若果一开口就话要个牛腩或者云吞河，你话几瘀呢...等咗唔使五分钟即到。喝一口汤，味唔算浓，有一点点咸味；鱼蛋系小弟多年响街食鱼蛋粉嘅经验以来食过最细嘅，质感唔算太弹口，淰淰哋，鱼味确系有，而且仲有少少碎骨添，证明确系"真材实料"ma...鱼片切成圆圆，去咗边，一样有淡淡鱼味...附送嘅鱼皮够脆口，而且食落几淡口，完全冇添加...唔算太特别。若果要我大排长龙，坐低后仲要等多十至二十分钟先有得食，就咪搅...