水戶日本料理 (已結業)

上次喺大埔揾位泊车嘅时候，见到呢间新开嘅日式小店，今次终于黎探店试试小店用木系风格布置日式休闲感，二人入座都安排到最舒服嘅卡位，真系好幸运💕座位上嘅用餐纸印有日式水墨画，都劲钟意❤️海觧拉面🍜 ($84)拉面里面有好多海鲜，两只青口好咬落有弹性；鲜虾弹牙；带子嫩滑，而且啖啖肉；几只花甲都算大只，冇沙。拉面偏幼身，冇碱水味。配菜嘅木耳同粟米份量好多，仲有半只糖心蛋添。略嫌猪骨汤底味道偏重，有少少咸。整个拉面好丰富，呢个价钱系好抵食海胆鱼生丼 ($118)因为肚饿，所以拣咗个当饭食。饭量唔多，但刺身就好足够。三文鱼偏厚身，啖啖鲜味。油甘鱼2吋咁厚，但有少许鱼筋。带子大小适中，有淡淡鲜甜，而我最期待嘅海胆色泽好靓，味道鲜甜。小店提供独立包装茶包，可以冲一大杯浓而不涩嘅绿茶，饮完可以自行加水，但第二杯嘅绿茶味就淡好多，第3杯应该得返水味😂呢间小店系做街坊生意，食物质素唔错，性价比好高。用餐时有伤残人士入座，店员连忙上前协助，非常友善。各位大埔街坊有福啦，快啲去试下啦🥳