影片
更多
2016-09-27
2324 浏览
某星期日又同Mr.No 系屋企Hea hea咁渡过，唔想煮饭，得知最近大埔开左间以天丼做主打既小店，一于渣车过去试下先。小店位置系明星酒楼隔离，相当易揾，舖位细细，除吧台位只有几张2人枱。由于我地6点几就去到，所以都有好多位置选择，拣左吧枱角落位置，可以一路食一路望入半开放厨房，睇住佢地炸天妇罗既过程。不过有样想讲，由于open kitchen，油烟味都有d重，希望抽气系统可以有所改善。望望Menu，简单！只有3款天丼，海老，海胆及野菜，我同Mr.No分别叫左海老同海胆，套餐包沙律同面豉汤。系呢度食野系唔收加一，所以水同餐具自己搞掂，其实我觉得咁样仲好，方便食客同waiter，有时去d餐厅，想话要杯水系会问到你燥，明明我要比服务费但完全得不到服务，咁倒不如自助仲开心！海胆天丼 $78一望个样就相当丰富，即叫即炸，热辣辣，海胆有2件，用紫菜包住炸，海胆份量都唔少，配菜有炸茄子，炸南瓜，炸莲藕同埋好特别既炸菜心苗，而且仲有炸溏心蛋一只。海胆似系加拿大海胆，炸完暖暖地更加软糯，味道鲜甜。海老天丼 $55张生叫既海老天丼，除了将海胆变成两只炸虾，其他配菜基本上系一样，海老虽然唔算好大只，但肉质
小店位置系明星酒楼隔离，相当易揾，舖位细细，除吧台位只有几张2人枱。由于我地6点几就去到，所以都有好多位置选择，拣左吧枱角落位置，可以一路食一路望入半开放厨房，睇住佢地炸天妇罗既过程。不过有样想讲，由于open kitchen，油烟味都有d重，希望抽气系统可以有所改善。
望望Menu，简单！只有3款天丼，海老，海胆及野菜，我同Mr.No分别叫左海老同海胆，套餐包沙律同面豉汤。
系呢度食野系唔收加一，所以水同餐具自己搞掂，其实我觉得咁样仲好，方便食客同waiter，有时去d餐厅，想话要杯水系会问到你燥，明明我要比服务费但完全得不到服务，咁倒不如自助仲开心！
海胆天丼 $78一望个样就相当丰富，即叫即炸，热辣辣，海胆有2件，用紫菜包住炸，海胆份量都唔少，配菜有炸茄子，炸南瓜，炸莲藕同埋好特别既炸菜心苗，而且仲有炸溏心蛋一只。
海胆似系加拿大海胆，炸完暖暖地更加软糯，味道鲜甜。
海老天丼 $55张生叫既海老天丼，除了将海胆变成两只炸虾，其他配菜基本上系一样，海老虽然唔算好大只，但肉质都几爽弹，少少鲜甜味， $55黎讲有咁大堆头既天妇罗丼，其实都已经物超所值。
海老天妇罗 $8/只因为虾既size唔算大，食两只唔够喉，所以额外再追加两只。
食到最后，将炸溏心蛋笃穿，蛋黄捞匀珍珠米，再加上少少甜酱油同饭素，真系超好味，为呢餐画上完美既句号!
张贴
