影片
更多
2014-03-16
6821 浏览
星期六下午,去完大埔墟街市及熟食中心钦记粉面食鱼蛋粉,就落楼下o既梁九记参观,佢地系一间冻肉店,租左街市至少六个舖位,除左冻肉仲卖杂货,由于薄利多销,客人多到要排队入店内扫货 ,真系巴之闭!之后落返街市地下,呢个时候下著微雨,行过对面就系当日第二站华辉餐厅,谂住试下佢地米芝莲苹果批,由于时间尚早未肚饿,先去华辉餐厅隔离o既759阿信屋睇下有乜特价货,近期超市又有减价战,每星期都会有特别抵买货品 去完759阿信屋过返去华辉餐厅,见到大门右面橱窗就系饼柜,除左蛋挞及椰挞,仲有两款米芝莲推介o既苹果批及鸡批,我都系近几个月先认识华辉餐厅,原来佢地2010年获得米芝莲推介 ,苹果批够晒特别,系圆形批,好大个,好犀利,唔系一般茶餐厅饼店直径3吋大,由于揾唔到全世界咁大个银仔去比较呢个苹果批有几大,唯有用块面去比并 ,真系大过一个人块面,我谂一提起苹果批,好多人只系识得麦当劳出品,长条形状,成条放o系油到炸,但系华辉餐厅苹果批系法式苹果批,要将o的批放o系焗炉焗,每隔一段时间新鲜出炉企o系门口一阵,见到都有几位食客入去买外卖焗批,虽然食完鱼蛋粉面唔系好耐,如果过一,两个钟再返黎可能卖晒,又
之后落返街市地下,呢个时候下著微雨,行过对面就系当日第二站华辉餐厅,谂住试下佢地米芝莲苹果批,由于时间尚早未肚饿,先去华辉餐厅隔离o既759阿信屋睇下有乜特价货,近期超市又有减价战,每星期都会有特别抵买货品
去完759阿信屋过返去华辉餐厅,见到大门右面橱窗就系饼柜,除左蛋挞及椰挞,仲有两款米芝莲推介o既苹果批及鸡批,我都系近几个月先认识华辉餐厅,原来佢地2010年获得米芝莲推介 ,苹果批够晒特别,系圆形批,好大个,好犀利,唔系一般茶餐厅饼店直径3吋大,由于揾唔到全世界咁大个银仔去比较呢个苹果批有几大,唯有用块面去比并 ,真系大过一个人块面,我谂一提起苹果批,好多人只系识得麦当劳出品,长条形状,成条放o系油到炸,但系华辉餐厅苹果批系法式苹果批,要将o的批放o系焗炉焗,每隔一段时间新鲜出炉企o系门口一阵,见到都有几位食客入去买外卖焗批,虽然食完鱼蛋粉面唔系好耐,如果过一,两个钟再返黎可能卖晒,又唔知当日仲有冇苹果批出炉,只好入去买件批外卖拎走,等迟o的冇咁饱先拎黎食,买苹果批要先到收银处俾钱,之后到饼柜向另一位店员拎苹果批
佢地o既苹果批及鸡批价钱一样,另外同样有两款形状可供选择,若果选择大批切件装,系一个批切开六块,我觉得佢地其实可以一开十二都得,而家每件切批系$11,客人亦可选择要小圆批,一样系卖$11,至于买成个大批系冇得收平o的,按比例系$66,都算几抵 ,因为街边茶餐厅细细个都要$8,文华东方酒店收你$588都得呀! 听讲买成个批系会有把刀俾埋你,而家系分六件,其实分八件最好!我就选择要苹果批大批切件装,唔要小圆批,因为大批切件装外形比较特别 ,买完苹果批就继续行程去第三站怀义街秋田面包西饼买隐世椰粒仔,之后行到去广福桥花园食苹果批
苹果批可能系刚出炉买,隔左大半个钟,估唔到苹果批仲有少少暖 ,苹果批o既皮系酥皮,有少少牛油香味,挞皮松化,厚薄适中馅料系有好多苹果蓉,用口咬一啖苹果批,个批o的苹果蓉唧晒出黎 ,曾经有人话小圆批冇咁多馅,咬落个批o的苹果蓉冇咁易唧出黎
呢个苹果批唔多觉有肉桂味,有淡淡苹果味,食落酸酸地,几醒胃,唔会好甜,除左食到苹果肉,仲食到一粒果核添! 曾经睇过介绍话苹果批系用左蛇果及富士苹果,因为呢两款苹果唔会太甜
有o的茶餐厅好鬼衰,卖o的鸡批系似食曲奇饼,馅少 ,饼皮应该系连住及松化,若果系似蛋挞曲奇皮系唔收货 ,而家好多鸡批都似系蛋挞曲奇皮咁样,若果o系车食真系吸尘吸到你呕 ,呢个苹果批饼皮o的碎唔系碎得好犀利,揾张纸巾扫两三下就扫晒落垃圾桶 呢个苹果批几好食,相信趁热食会更加好味,日后有机会黎大埔华辉餐厅,要试下另一款米芝莲推介鸡批,下次应该会选择堂食,餐厅门面虽然比旧怀旧,不过内有梳化座位,又有得睇电视!
原来呢间餐厅o系大埔三十几年,每日都卖至少四,五十个大批,如果大家有兴趣买个大批,又想保证买到,可以预先打电话俾餐厅预订架!
题外话/补充资料：
翻看之前o既食评,原来2010年4月o既苹果批系卖$9,而家只系加左$2,同埋冇因为过左农历新年加价,值得一赞!
(以上食记乃用户个人意见 , 并不代表OpenRice之观点。)
张贴
