影片
更多
2023-03-08
145 浏览
💁♀️💁♂️ 3/3/2023(Fri), Dinner🍽大埔墟食肆林立，每间食一次要食匀晒都要唔少时间。今晚为食妙妙同A先生就去咗其中一间爆场店-茶舍去食晚饭。其实之前经过都见呢间餐厅既餐牌好吸引，比起一般茶餐厅既食物精致啲，又特别啲。环境方面都好光猛，坐得都算舒服。而今晚我地order咗：🔆 浓虾汤海鲜扁意粉🍝（$72）我地见店内都有唔少人叫呢款浓虾汤海鲜，于是乎又叫嚟试吓先。海鲜有带子、虾🦐、蚬同埋鱿鱼🦑圈，再加少少菇，用一个好浓味既虾汤底去煮。餐牌可以拣汤饭或者扁意粉，我地今晚就选择咗扁意粉。上枱时先饮一啖虾🦐汤先，虾味浓郁得嚟又唔会好咸。扁意粉吸收咗虾汤既味道，配合用虾汤煮过既海鲜一齐食，鲜味十足。海鲜全部食落都弹牙好食，唔系d雪咗好耐既货色，性价比高之选。🔆 脆炸软壳蟹🦀芥末酱吐司🍞（$98）A先生本身唔系十分喜欢食米饭既🍚人，所以佢就选择咗呢个脆炸软壳蟹🦀芥末酱吐司🍞。点餐时可以选配薯条🍟或者沙律🥗，我哋就要咗香口啲既薯条🍟。吐司🍞切开一半，入面有原只既软壳蟹🦀、生菜🥬同蕃茄🍅，上面加咗芥末沙律酱。份量大到唔能够一口完整咁咬落去，唯有切开嚟食啦。软壳蟹炸得酥脆，连埋有少少
💁♀️💁♂️ 3/3/2023(Fri), Dinner🍽
大埔墟食肆林立，每间食一次要食匀晒都要唔少时间。今晚为食妙妙同A先生就去咗其中一间爆场店-茶舍去食晚饭。其实之前经过都见呢间餐厅既餐牌好吸引，比起一般茶餐厅既食物精致啲，又特别啲。环境方面都好光猛，坐得都算舒服。
而今晚我地order咗：
🔆 浓虾汤海鲜扁意粉🍝（$72）
我地见店内都有唔少人叫呢款浓虾汤海鲜，于是乎又叫嚟试吓先。海鲜有带子、虾🦐、蚬同埋鱿鱼🦑圈，再加少少菇，用一个好浓味既虾汤底去煮。餐牌可以拣汤饭或者扁意粉，我地今晚就选择咗扁意粉。
上枱时先饮一啖虾🦐汤先，虾味浓郁得嚟又唔会好咸。扁意粉吸收咗虾汤既味道，配合用虾汤煮过既海鲜一齐食，鲜味十足。海鲜全部食落都弹牙好食，唔系d雪咗好耐既货色，性价比高之选。
🔆 脆炸软壳蟹🦀芥末酱吐司🍞（$98）
A先生本身唔系十分喜欢食米饭既🍚人，所以佢就选择咗呢个脆炸软壳蟹🦀芥末酱吐司🍞。点餐时可以选配薯条🍟或者沙律🥗，我哋就要咗香口啲既薯条🍟。
吐司🍞切开一半，入面有原只既软壳蟹🦀、生菜🥬同蕃茄🍅，上面加咗芥末沙律酱。份量大到唔能够一口完整咁咬落去，唯有切开嚟食啦。软壳蟹炸得酥脆，连埋有少少刺鼻又带甜既既芥末酱，中和返炸物既热气同埋油腻感。吐司🍞都烘得外脆内软，每咬一啖都系卡卡声，不错。
🔆 大麦若叶红豆🫘爆爆珠鲜奶特调（跟餐+$18）
作为红豆🫘控既A先生见到有呢杯特饮就二话不说拣咗，估唔到最后有惊喜㖞！大麦若叶饮落似抹茶🍵咁既味道，配合红豆🫘本身就系好夹。而呢杯特饮特别在于佢既红豆🫘爆爆珠，佢系一粒红豆味既爆珠，入面包住一粒红豆🫘，所以咬落去咬爆个外皮之后先系会爆出红豆沙咁既浆，然后会咬到粒真红豆🫘。一粒爆珠有两种口感，重要系红豆味既，真系有惊喜！
🔆 综合水果红茶（跟餐+$24）
橙🍊汁底既综合水果红茶入面都好足料，有大量既橙🍊肉、火龙果肉、蓝莓🫐、柠檬🍋、青柠同埋士多啤梨🍓，仲有一粒话梅吊一吊味。饮落酸酸甜甜咁，开胃又消腻。
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整体食评：❤❤❤❤❤(5/5)
❤🙆♀️(为食妙妙)整体食评：❤❤❤❤❤(5/5)
👉🏻 整体性价比好高既一间餐厅，食物质素好又唔贵，难怪成日都一大班人喺门口等位
A先生车友指数 🚗
🛣️ 交通容易指数：🚗🚗🚗🚗(4/5)
🅿️ 泊车容易指数：🚗🚗🚗🚗(4/5)
👉🏻 餐厅附近有几个表位场🅿️，表位数量都唔少，等一阵通常都好快有位
👉🏻 就算唔揸车🚗，搭港铁由大埔墟站行过嚟都系10分钟左右；出面广福道有大量巴士、小巴去全港各区
🔆🔆🔆🔆🔆🔆🔆🔆🔆🔆🔆🔆🔆
张贴
