金鷺湖

营业中

休息中

几年前曾经去过小白鹭餐厅，好耐已经冇嚟过，今日再嚟发觉餐厅已经大翻新。餐厅仲提供一个非常之抵嘅汇丰信用卡专享优惠，今晚嘅晚餐真系物超所值。装修摆设 - 新净系要加分嘅，摆设配色都十分令人舒服。金牌酿蟹盖 - 呢个菜式系大型酒店都食过无数次，但系今晚食嘅系咁多间最大份同埋最多蟹肉嘅。👍菜胆竹笙炖花菇 - 真材实料，冇用味精，花菇同埋竹笙都准备十足。羊肚菌烧大虾 - 只虾真系好大，应该系烧巨虾，虽则知道只大虾可能未必新鲜，但系师傅都整得好好食。蜜饯榄角脆香骨 - 个人最喜欢蜜糖，脆香骨热辣辣，完全没有油腻的感觉。芦笋百合炒时菜 - 炒百合都几高难度，欣赏师傅唔系一味落油落盐，蔬菜炒得啱啱好。金瑶蛋白炒饭 - 美中不足嘅地方就系未食完前面𠮶度菜已经拎咗嚟，温度下降左就冇咁好食。杨枝甘露 - 正常发挥。