串Chill

营业中

休息中

今日行过太和，见到呢间串烧店几有特色就入咗去试吓。入去见到有一蚊一只甜虾，即刻叫咗嚟试，出乎意料地鲜甜，冇谂过喺一间串烧店食刺身食到咁有惊喜😋之后仲叫咗花甲粉，个花甲粉够干身入味，又唔会好咸，专登叫好多蒜片，越食越上瘾。同埋叫咗烧鸡泡鱼干，配个黑松露酱好好食。最后叫埋芝士黑松露玉子烧，好有蛋香味，上面加左海苔，但唔会好抢味，配埋黑松露，十分之夹。成间舖头虽然唔大，但坐得好舒服，仲要有Netflix睇，老板仲俾我自己拣戏，坐下唔觉都食左两个几钟，整体感觉十分之好。值得推介同一试。