影片
更多
2021-04-08
1321 浏览
🇯🇵成日觉得喺香港好难先食得到有日本风味嘅拉面，呢几年食黎食去都系帮衬金田家多，但呢次终于畀我揾到间有得同金田家battle 下嘅拉面店。虽然舖面毫不起眼，但入到𥚃面就好似置身日本嘅local 拉面店一样。店子细细只可以同时容纳十多位客人，细心留意你会发觉店内有好多日本漫画家宫崎骏系列嘅装饰同海报，如果系fans 黎到就会彷佛去左间主题餐厅一样。🍜鸡白汤叉烧拉面 $➐➋平时多数食嘅拉面都系猪骨汤底多，呢碗用鸡白汤做汤底反而畀到个好清嘅感觉我。一啖拉面同汤一齐食完全唔会油腻唔会太咸，就算饮哂成碗汤之后都无口渴嘅感觉。两片叉烧轻轻烧香表面，肥瘦适中又唔会太薄。配埋劲流心嘅糖心蛋、木耳丝同埋紫菜，最基本嘅配搭但煮岀左非一般嘅味道，的确系几impressive。加上呢个价钱，好值得一试。👅烧牛舌串 $➌➏一串三片嘅烧牛舌每片都大大块，洒上粗盐同香料黎烧味道极之吸引。牛舌爽口程度都爆哂灯，如果用黎送酒就一流啦。🐷烧五花腩串 $➊➑肥瘦均匀嘅五花腩片，同烧牛舌一样有粗盐同香料带岀香味，烧好新鲜热辣上枱又香又爽口。两款串烧都好值得嗌！🍤天月杂锦天妇罗 $➒➎杂锦天妇罗有齐五六款蔬菜同埋三只炸虾，to
虽然舖面毫不起眼，但入到𥚃面就好似置身日本嘅local 拉面店一样。店子细细只可以同时容纳十多位客人，细心留意你会发觉店内有好多日本漫画家宫崎骏系列嘅装饰同海报，如果系fans 黎到就会彷佛去左间主题餐厅一样。
🍜鸡白汤叉烧拉面 $➐➋
平时多数食嘅拉面都系猪骨汤底多，呢碗用鸡白汤做汤底反而畀到个好清嘅感觉我。一啖拉面同汤一齐食完全唔会油腻唔会太咸，就算饮哂成碗汤之后都无口渴嘅感觉。两片叉烧轻轻烧香表面，肥瘦适中又唔会太薄。配埋劲流心嘅糖心蛋、木耳丝同埋紫菜，最基本嘅配搭但煮岀左非一般嘅味道，的确系几impressive。加上呢个价钱，好值得一试。
👅烧牛舌串 $➌➏
一串三片嘅烧牛舌每片都大大块，洒上粗盐同香料黎烧味道极之吸引。牛舌爽口程度都爆哂灯，如果用黎送酒就一流啦。
🐷烧五花腩串 $➊➑
肥瘦均匀嘅五花腩片，同烧牛舌一样有粗盐同香料带岀香味，烧好新鲜热辣上枱又香又爽口。两款串烧都好值得嗌！
🍤天月杂锦天妇罗 $➒➎
杂锦天妇罗有齐五六款蔬菜同埋三只炸虾，total 有成十件炸物，如果几位朋友叫黎share 就岩岩好。个人感觉烧物比炸物做得更岀色，如果2个人食唔得哂嘅就试左拉面同串烧先啦😉
.
📍天月居酒屋
大埔运头街12-18号美华大厦地下B 号舖
25 浏览
1 赞好
0 留言
张贴
