一鳴拉麵

营业中

休息中

天气开始转凉，都想食碗热辣辣嘅面，之前经过呢间「一鸣」见到排晒队已经想试，今日见时间尚早未算太多人，终于有机会试了。有五款拉面可以拣，午市可以加8蚊要饮品及18蚊要一款小食，仲免收加一，都算抵食。猪骨浓汤拉面 :面条拣咗太面，配料可以拣猪软骨或火炙叉烧，两样都想食嘅我决定加20蚊要晒。先试一啖汤，味道鲜甜浓郁，太面比普通拉面粗而有嚼劲，弯弯嘅面条可以沾到更多汤汁，感觉更好味。两款配料个人较喜欢猪软骨，煮得好淋好入味，而叉烧肥瘦度啱啱好，经火炙后更香口，配埋溏心蛋及木耳丝，整体感觉好满足。煎鸡软骨棒饺子 :喜爱鸡软骨嘅我，当然要试呢款饺子。饺子外皮煎得香脆，无乜油腻感，入口脆卜卜，好味道。