八户屋和食料理

营业中

休息中

卷上面既蟹籽尚算新鲜。吉列虾炸得靓，唔会饮哂油，又够脆，而且系即叫即炸，虽然等得耐，但值得。除左虾，卷入面仲有紫菜同青瓜。青瓜有效咁中和炸虾既油腻感，达至唔错既平衡。烟肉芝士卷食落唔会过咸，只系芝士太少。烟肉系预先炸过再放入卷炸既，所以逼走左好多油脂，唔太油腻。惟憾个皮面唔够脆。芝士年糕一样唔够芝士味，不过食落都够烟韧，又唔会炸到饮油，口感几得。天妇罗炸粉唔会过厚，馅料同粉既比例OK。虾天妇罗够大只，而蕃薯天妇罗够哂甜。同上面既炸物一样，炸得香脆冇饮油。