一鳴丼食堂

营业中

休息中

今日系大埔完成工作后，谂住买外卖番屋企食，一阵搜索🔍下发现哩间「一鸣丼食堂」就谂住去试吓。店外以木制敞门装潢颇有日式气氛，一入店内更发现怖置用心，Bar 枱、木柜、sake 酒瓶等等，营造居酒屋🏮味道。虽然小妹今次系嚟买外卖，但店长叫小妹入店内坐低慢慢拣，仲贴心俾咗杯热茶🍵⭐️⭐️重点系外卖自取原来仲有85折⭐️⭐️小妹拣咗蒲烧鳗鱼帆立贝盛，真系即点即烧，一路等一路闻到炭烧鳗鱼嘅香气，已经流哂口水🤤🤤第一啖食落去果然无失望，份量绝不吝啬，一整条鳗鱼分成8小件，鳗鱼肥美但偏多骨，丼饭中间仲有劲大粒帆立贝，大大粒啖啖肉。 另外再叫咗几件寿司🍣过下口瘾，三文鱼厚身劲肥美，油脂雪花分怖平均，一啖食落去有幸福嘅感觉，教人欲罢不能。北寄贝、八爪鱼🐙新鲜爽口，飞鱼子军舰表现正常。