影片
更多
2016-07-10
523 浏览
其实系大埔，真系无几多间日本菜既选择。呢间K Square 3 Grill & Bar都开左一段时间，今日难得同细佬都得闲，就带佢去试新野。呢到既海鲜系当日新鲜由鱼市场直送，有福冈、筑地等地，保证身在香港都食到鲜味十足既日本鱼。而且佢地既鱼类刺身都分左好多唔同程类，有油份重既、实肉、冧肉，可以满足到唔同客人既口味。你可以系bar table睇到当日有咩新鲜既鱼可以做刺身，另外，如果你自己有海鲜都可以拎黎加工，多个选择。枱同枱之间既位够哂宽落，坐得好舒服，唔会手肘撞手肘，同埋sofa位后都有差电制俾你差电，不过唔知系唔系要自备3脚插，定系可以问舖头借。刺身盛 (Set C) $598首先点左呢个刺身盛，一款新鲜活鱼，可以自选，特别一提，如果鱼款系特上鱼 (即1kg以上)，要加 $300。我地点左一款叫做牛尾鱼既新鲜鱼。不过由于起肉需要，要等耐少少。不过黎到见到佢排得咁靓，剩系个卖相已经嬴哂，我见到上枱果阵，隔离都俾呢盘刺身吸引左目光。唔好以为佢剩系得个样，味道都系一流架。刺身盛有牛尾鱼、一板海胆、三文鱼、牡丹虾。。。牛尾鱼，鱼味十足，唔会因为佢系空运鱼，就令鱼味流失左，配埋呢个酸汁，好好
呢到既海鲜系当日新鲜由鱼市场直送，有福冈、筑地等地，保证身在香港都食到鲜味十足既日本鱼。而且佢地既鱼类刺身都分左好多唔同程类，有油份重既、实肉、冧肉，可以满足到唔同客人既口味。
你可以系bar table睇到当日有咩新鲜既鱼可以做刺身，另外，如果你自己有海鲜都可以拎黎加工，多个选择。
枱同枱之间既位够哂宽落，坐得好舒服，唔会手肘撞手肘，同埋sofa位后都有差电制俾你差电，不过唔知系唔系要自备3脚插，定系可以问舖头借。
刺身盛 (Set C) $598
首先点左呢个刺身盛，一款新鲜活鱼，可以自选，特别一提，如果鱼款系特上鱼 (即1kg以上)，要加 $300。我地点左一款叫做牛尾鱼既新鲜鱼。不过由于起肉需要，要等耐少少。不过黎到见到佢排得咁靓，剩系个卖相已经嬴哂，我见到上枱果阵，隔离都俾呢盘刺身吸引左目光。唔好以为佢剩系得个样，味道都系一流架。
刺身盛有牛尾鱼、一板海胆、三文鱼、牡丹虾。。。
牛尾鱼，鱼味十足，唔会因为佢系空运鱼，就令鱼味流失左，配埋呢个酸汁，好好味。同埋佢既鱼肉有咬口，少少实肉既口感，唔错。样样刺身都好鲜味。一板海胆，海胆一D都唔腥，入口即溶，仲有旧饭俾你一齐食。牡丹虾好大只好弹牙，虾身好有胶质。
食完个刺身之后，剩返条鱼既鱼骨可以帮你炸，或者拎去煲汤。细佬拣左去煲汤，果然无拣错。鱼汤好鲜，好浓味，原来系将所有客人既鱼都拎去煲呢个汤，所以会有唔同鱼既鲜味，应该都好养颜，女人岩哂，哈哈。
豪门夜宴 (20贯) $528
另外再叫左呢个豪门夜宴，有牡丹虾、油甘鱼、三文鱼腩、海瞻、带子、白身鱼等等，寿司既饭醋味唔太劲，可能唔想抢左鱼既鲜味，令鱼生味更加出。今日既白身鱼系油甘鱼，开头只系觉得弹牙，点知食到最尾有鱼油味，好特别。三文鱼腩好肥美，多油，入口即融。呢到既每样刺身 / 寿司食完都每人拇指大动，再三回味，下次一定要黎试下佢既烧物
张贴
