食嘢 (已結業)

突然间谂唔到食乜嘢款式嘅菜式，朋友推介话大埔-食嘢 有不同菜式选择，我哋就入去试吓。果然见到餐牌有西式精选同埋中式推介等不同款式嘅菜式选择，果然多元化，可以切合唔同客人嘅需求。我哋又想食牛扒、又想食猪手、又想食水煮鱼！大家心目中想食嘅食物款式好不同，不过呢间餐厅可以一次过满足晒我哋咁多个人嘅愿望！先叫了一份德国咸猪手，咸猪手好有份量，有我哋嘅手板咁大只，食落去外皮相当香脆，皮下层仲有骨胶原嘅口感，食落去好黏口，猪手肉好林，相当入味。至于西冷牛扒拼大虾薯条🍟，牛扒好大块，仲配埋牛肉汁。食落去牛肉味道香浓，质感嫩滑，好好食，另外薯条仲好香脆可口添！还有海胆海皇炒饭同埋炒蒜蓉西兰花，两者配埋一齐好match，最欣赏西兰花，炒得好林好入味！还有朋友喜欢吃嘅招牌酸菜鱼、宫保虾仁、香茅猪颈肉等，同样出色美味。秋冬嘅天气当然要Order一杯暖笠笠嘅热饮，知道旁边嘅分店-饮嘢 出名特色台式饮品，就叫了一杯热嘅黑糖珍珠香芋奶，香芋牛奶味道唔算太甜反而刚刚好，牛奶好香滑。最后四个人用餐都只系$700有找，每人平均消费$200有找，已经算是大埔区相当超值、而且食物质素高嘅一间多国菜餐厅。