良鮨壽司

营业中

休息中

大埔区越开越多餐厅，成日都想去试吓新嘢，不过就唔系成日有惊喜。 不过今日试咗依间日本餐厅，又真系令我有惊喜感。 餐厅虽然开喺大街，门口又有个巴士站遮住，唔太起眼。 不过我6:30左右到，未到正式晚饭时间已经坐满一半。门口见到生蚝买二送一，入到去第一时间嗌咗先，啲蚝只只胀卜卜又新鲜又大只入口鲜美见到隔离张枱叫咗海胆爆丼饭，见到啲海胆好多好吸引，梗系即刻跟。 一上枱见到厚厚海胆再加上刺身，令人食到停唔到口，海胆口感奶滑而又浓郁，味道相当鲜甜！虽然已经食到饱，但又想试吓佢啲三文鱼刺身，一放上枱已经超吸引，厚切加上油润脂三文鱼脂肪，真系冇得输。 另外花之卷虽然系普通款式，但系三文鱼一样切得厚，食得都好滋味。总结今餐食完都好滋味，由其响大埔区都冇乜咁正嘅日本餐厅，会再嚟帮衬。