Homeland (東昌街) (已結業)

放工同男朋友黎左依间位于大埔墟，人气高企既西式Cafe度食晚餐～店铺门面别具风格，由外面望入面都感觉到内里既气氛～餐牌选择丰富，食物同饮品都有好多选择，岩晒一大班朋友黎呀！我地就每人都叫左一个套餐，百几蚊好抵食呀！跟餐可以优惠价叫饮品～男朋友就叫左枝狮子山下既手工啤，果香味劲香呢！佢超钟意饮！而我就叫左杯冻朱古力～好浓郁既朱古力呀！好好饮～又唔会过甜汤方面我地分别叫左法式龙虾浓汤＆精选浓汤法式龙虾浓汤真系大推介！龙虾味劲香浓，味道上绝对不逊于高级西餐厅既龙虾汤！！而精选浓汤都好好饮～蔬菜味并带有香甜主菜方面，我地就叫左伊比利亚猪肩肉配苹果蓉及薯菜卖相真系劲吸引呀！猪肩肉好大块，色泽亮丽。食落去肉质嫩滑，而且好Juicy！平时食猪肩肉最怕肉质鞋＆干，依度完全将两个担忧都扫去！！另外个苹果蓉同薯菜都好好味！酱汁亦非常配合个猪肩肉！另一个主菜我地就叫温泉蛋卡邦尼意粉劲正劲邪恶的卡邦尼意粉呢！！面头铺满好多芝士碎，再将温泉蛋与意粉捞晕，每条意粉都挂住浓浓既汁液！意粉软硬适中，有Al Dente的口感，而蛋汁及芝士既味道非常之香～极速清晒的一道意粉最后我地仲叫左个柚子炸鸡翼食柚子味好香甜，食几只