Homeland (東昌街) (已結業)

今晚同朋友两个人行完街，朋友话想去食下西餐，咁就去左试下大埔既homeland, 去到门口见到佢铺内单位干净企理的，不过位置就有少少难揾，唔熟大埔既朋友仔可能黎之前要睇睇地图。跟住我地叫左两个精选dinner set, 先讲讲套餐里包括既秘制法式龙虾浓汤，我同朋友一见到有龙虾汤，都即时心心眼拣左呢款试试，汤够浓，仲有少少龙虾肉系汤里面，绝对有诚意！之后店员就先帮我地送上两份小食（蒜香焗田螺同埋蜂蜜柚子酥炸鸡翼，小食黎讲质素绝对唔失色，而鸡翼既柚子汁味道可口开胃，值得一赞！跟住我同朋友分别主菜拣左和牛汉堡配薯条，同埋安格斯西冷扒配薯蓉。汉堡讲真正常水准，但就不算太突出，反而西冷扒做得几好，用既材料食得出系有质素，少少美中不足系牛扒配薯蓉，如果配薯条相信我会更加钟意。最后讲讲餐饮，我同朋友分别叫左薄荷朱古力同埋抹茶拿铁，饮品质素高质，比较难得系份量，我地食完成餐饭都仲有得饮，唔会好似出面部分餐厅既饮品咁饮两啖就无哂。总括讲，homeland值得推介的，最后临走前见到佢既生日优惠，可以免费试一杯佢地既汽酒，先发觉原来佢仲有一个酒类list，可能要下次再黎先可以尝试了。而生日优惠又包埋免切饼费