Homeland (東昌街) (已結業)

最近我系大埔食咗间高质西餐厅，想介绍比大家。我同朋友叫咗两个1人餐，每个最低$148，配有餐汤/沙律、主菜同饮品。前菜方面，我哋嗌咗一个慢煮鸡胸凯撒沙律同精选餐汤。沙律菜非常新鲜，沙律酱足够，另外仲有面包粒。鸡胸肉份量多，唔会好齐。今日供应左罗宋汤，酸酸甜甜，好开胃。第一个主菜我哋叫咗63°c温泉蛋卡邦尼意粉。意粉质地好特别，比较粗身，同埋有咬口。卡邦尼酱汁好香浓，较杰身，所以面条可以沾满，淡淡都好有味。温泉蛋都整得好好，流心状态啱啱好。另外，我哋就叫做伊比利亚猪肩肉薯菜。伊比利亚猪肩肉煮到八成熟，肉质粉嫩，好滑。薯蓉好滑，有好香嘅牛奶味。另外蔬菜有翠玉瓜同甘笋，翠玉瓜好Juicy ！咁我哋仲叫咗份小食，叫咗柚子炸鸡翼。鸡翼有六大只，只只都炸到金黄色，外脆内软，鸡翼肉质嫩滑。有子酱都比多好多，好甜，好开胃。饮品方面，跟餐叫特饮有半价优惠！Oreo曲奇奶盖饮落有啲似麦旋风！Oreo奶盖味道浓郁，底下有牛奶，捞匀咗之后就啱啱好。海盐抹茶奶盖而抹茶奶盖味道甜甜地、甘甘地，表面仲有海盐粒，所以带有少少咸味，味道特别，同牛奶捞匀咗之后就会冇咁甜。