OPPA韓國燒肉店 (已結業)

大埔墟直街系大埔区数一数二嘅食街，谂唔到食乜，行到附近就会有谂法！冬天唔系火锅就系想暖下身，围炉相暖食烤肉就最开心！餐厅系连锁式经营，冇记错之前朋友介绍嘅九龙区分店质素唔错，难得大帮就脚，梗系近近地试一试！牛肉拼盘有黑毛和角三角腩、加拿大肉排、牛下腹腩等，整体肉味道浓而肉质弹牙！牛每片厚度适中，油花分布约6:4， 烧烤后先系淡淡嘅油脂香复盖住香滑嘅韩牛味，肉质偏淋唔多筋。海鲜方面选择都好多，有虎虾、鲍鱼、多春鱼等，全部都新鲜，虎虾仲大大只！大酱汤任饮下朋友力推下第一次尝试大酱汤。感觉上会类似日本嘅味僧汤，韩式嘅大酱会偏香辣且浓味为主。味道少少香辣中又带有鲜甜味道。水冷面 失望，面身有啲怪，唔够弹牙，味道亦偏淡，唔够酸。