飲嘢 (已結業)

中秋节系大埔又想食下甜野，朋友介绍有间门面几有特式既有食嘢有饮嘢既餐厅，咁就梗系去试下啦，好唔好食点都要试一次既。餐厅装潢都略有心思，都几悦目。餐厅以自助下单形式，要自行揾位坐，但发现多张已走既桌上还未清理，亦都等左好耐先有人黎抹桌，相信要改善一下分工吧。我同朋友各自叫左个「Yumyea雪糕烧仙草」餐牌写左有：芋圆、地瓜圆、珍珠、雪糕、烧仙草，花生、红豆。等左差不多30分钟先上餐，真系比较耐啦。但个卖面就有啲差差地啦！「Yumyea雪糕烧仙草$58」分量都大碗，食落去甜度刚刚好，而表面上既雪糕系云尼娜味道，雪糕都几好食。芋圆同地瓜圆都煲得几软身，唔会太细粒，几有口感。珍珠同红豆都应该煲左一段时间，不会太硬，几好。但系我一食烧仙草就觉得好无奈，因为呢旧好明显就系凉粉黎，都唔系仙草黎既(觉得违反商品说明条例)！最无奈系成碗有1/3都系凉粉垫底，所以先感觉好大碗。仲有花生都无放落去，唔知系咩原因啦，觉得厨房有点混乱。