稻坊 (曼坊) (已結業)

九龙女聚会, 要大家坐得舒舒服服, 又冇时限, 酒楼是不错的选择, 今晚同学仔拣咗呢间位于美孚的稻坊, 睇完一轮餐牌, 都系食呢个套餐最抵, $948半席, 最后原来6人份量系足够我地九位女士食。鸿运乳猪半只乳猪皮烧得都几脆, 皮下脂肪唔太多, 乳猪肉唔肥, 几好食又香口。鲍鱼扣花菇鲍鱼扣得谂滑, 细细只, 鲍味可以接受, 冬菇爽滑, 整体鲍汁唔咸, 味道很正常。蒸龙趸头腩茶实鱼肉比头腩更多, 龙趸蒸肥美嫰滑。虾干啫啫芥兰煲系就油咗啲, 不过虾干虾酱炒得非常惹味。生炒糯米饭糯米饭炒得干身香口, 口感烟韧, 腊肠、腊肉、虾米及瑶柱等配料都见影踪, 咸度也适中。连脆皮酱皇烧鸡、炒龙趸球、蒸龙趸头腩、鸡丝脍雪燕、上汤虎虾伊面等共10样食物, 味道也不差, 平日半席$948, 每人百零炆, 超抵食。