影片
更多
2024-03-11
1902 浏览
好耐都无见住蓝田既姨妈，探完佢之后一于试下附近既中式小菜，见外面咁多人排队，一定唔会错的！2人套餐足料老火汤（⭐⭐⭐⭐💢）而家食咩都咁贵，难得$300有找食到3𩠌1汤，真系好抵呀！老火汤十分足料，入面有鸡脚、肉粒、瓜，经过多个钟既老火烹调，所有汤料既味道都渗晒入个汤入面。除左十分清甜之外，一D都唔觉得有味精味，可见餐厅既用心制作。大壹叉烧皇拼玫瑰鼓油鸡（⭐⭐⭐⭐⭐）烧味相信大家都一定食过，但好味既真系唔容易找到，但呢间餐厅既烧味就值得推荐！叉烧外面烧得十分香口，上菜时仲食到香脆既焦边口感，但肉质却完全唔鞋口，反而十分松软，加上半肥瘦比例，食极唔停。至于油鸡，十分多肉，唔会鸡骨仲多过肉，鸡肉亦都好嫩滑，配上豉油既特有香味，十分好食。烧汁薯仔牛柳粒（⭐⭐⭐⭐⭐）薯仔牛柳粒都系好多人既至爱，但好多时唔系只有十分少既牛柳，就系牛肉太咸又或者太干。但餐厅就完全无呢个问题，一上碟已经见到好多牛柳，系食肉兽既福音！另外，肉质十分松软，唔会鞋口，每啖都食到香浓牛味。另外要赞系餐厅既调味，好有中式港式既味道，镬气香气爆棚！野菌娃娃菜鱼汤浸鱼肚（⭐⭐⭐⭐⭐）食左咁多肉，当然要食返D蔬菜平衡下啦，天气咁干燥
2人套餐
足料老火汤（⭐⭐⭐⭐💢）
而家食咩都咁贵，难得$300有找食到3𩠌1汤，真系好抵呀！老火汤十分足料，入面有鸡脚、肉粒、瓜，经过多个钟既老火烹调，所有汤料既味道都渗晒入个汤入面。除左十分清甜之外，一D都唔觉得有味精味，可见餐厅既用心制作。
大壹叉烧皇拼玫瑰鼓油鸡（⭐⭐⭐⭐⭐）
烧味相信大家都一定食过，但好味既真系唔容易找到，但呢间餐厅既烧味就值得推荐！叉烧外面烧得十分香口，上菜时仲食到香脆既焦边口感，但肉质却完全唔鞋口，反而十分松软，加上半肥瘦比例，食极唔停。至于油鸡，十分多肉，唔会鸡骨仲多过肉，鸡肉亦都好嫩滑，配上豉油既特有香味，十分好食。
烧汁薯仔牛柳粒（⭐⭐⭐⭐⭐）
薯仔牛柳粒都系好多人既至爱，但好多时唔系只有十分少既牛柳，就系牛肉太咸又或者太干。但餐厅就完全无呢个问题，一上碟已经见到好多牛柳，系食肉兽既福音！另外，肉质十分松软，唔会鞋口，每啖都食到香浓牛味。另外要赞系餐厅既调味，好有中式港式既味道，镬气香气爆棚！
野菌娃娃菜鱼汤浸鱼肚（⭐⭐⭐⭐⭐）
食左咁多肉，当然要食返D蔬菜平衡下啦，天气咁干燥，有呢味鱼汤蔬菜鱼肚，见到都觉得够晒养生又滋阴。鱼汤十分清甜，加埋娃娃菜煮，有晒鱼香同埋菜既甜味。另外鱼肚浸系呢个鱼菜汤底，浸既浓汤既鲜味，即刻为呢餐中和既所有油腻感，大满足。
~~~~~~~~~~~~~~~~~~~~~~~~~~
大壹烧鹅 (启田大厦) 蓝田启田道51-67号启田大厦地下1A, 2-4及6A号舖
👍出色味道
👍地点方便
👍环境舒适
张贴
