風雲丸 (已結業)

风云丸沾面作为一个新界人好少出香港𠮶边，呢日刚好嚟到湾仔就上网睇下有啲乜嘢好食，见到呢间 风云丸好似好吸引，同埋未食过 沾面就不如一试啦！首先啲装修好日本风，仲有d枱枱灯灯都系木制嘅，另外仲有好多好日式嘅灯笼，睇落去都几缤纷得意，环境不错！石烧浓厚豚骨鱼介味玉沾面（$93）沾面既汤系用石碗去装，上枱𠮶阵仲系热辣辣，沾面可以拣热、冻或者暖，店员建议用暖面，会突出面嘅味道。而叉烧得一块，个人认为就比较「鞋」，不过个 #鱼介汤 攞嚟沾面就好好味👍🏽肉盛豚骨鱼介沾面（$128）作为食肉兽嘅男朋友就叫左份量大四倍既肉盛版，一共有四块叉烧，不过肉质都系少少「鞋」身，同埋少咗只温泉蛋。