Lady M

营业中

休息中

好耐無食過Lady M，難得同行朋友話想食下，便一齊去左食。講到Lady M，大家一定會聯想到千層蛋糕，本來我去嘅時候都諗住食千層蛋糕，點知埋到鋪頭睇到人地隔離檯食呢個拿破崙蛋糕，大大件咁，我就心郁郁想食了。去到counter買嘅時候，見到成條完整嘅原來咁靚，又見到menu佢平過千層蛋糕少少，就叫左呢個士多啤梨拿破崙蛋糕。等左一陣終於有得食，塊拿破崙牛油味好香好脆，混合埋啲好似牛奶布甸味嘅cream同草莓食，真係唔錯。如果啲草莓再多啲就好喇，我喜歡食多啲草莓。整體來講舊蛋糕好好味，大家去Lady M除咗食千層蛋糕，不妨都試下佢嘅拿破崙。