豪大大雞排 (富達大廈)

营业中

休息中

豪大大对于香港人嚟讲其实一啲都唔陌生，好似周围都有，今次食旺角呢一间嘅豪大大，都算系好食嘅一间。佢以大大件嘅鸡扒吸引到好多人去食，差唔多次次去都要排队。今次我就食咗豪大大嘅大鸡扒同埋佢嘅鸡全翼。1. 大鸡扒佢既鸡扒外脆内软，上面仲有佢哋调制嘅调味粉，辣辣地几好食，不过大鸡扒中间𠮶旧骨真系好大旧，唔可以每一啖都大啖大啖咁食。佢都成$45 一件㗎，但系一半嘅都系骨。2.鸡全翼佢嘅鸡全翼其实都好好食，味道同大鸡扒系一样，都系会落佢哋自己调制嘅调味粉，其实佢好食嘅地方都系因为佢哋自家调制嘅调味粉，唔系好食到鸡味。其实佢哋动作都算快，比完钱落单，大概5分钟至10分钟到就可以食到佢哋嘅大鸡扒。虽然啲人话佢落炸粉好多，但对我来讲，主要都系食佢自家调制嘅调味粉。总括而言，不过不失。