肚餓了串燒烤焗專門店 (已結業)

今日约左朋友黎试下本地串烧店，可以倾吓偈慢慢食串烧。上到去唔会好似其他串烧铺咁好大油烟，唔怕啲衫有味。平日都唔少人黎倾吓聚会，好彩有订位。墙上面摆左好多本土啤酒，好特别下次想试下。人人都叫左大盘薯条🍟，我地都叫左盘蕃茄味，唔洗点酱都有味，真系食到停唔到口。蒜蓉原条大茄子🍆又系好大份，两个人分好满足，成口蒜茸牛油极邪恶。自家鸡肉串加埋孜然黑椒好惹味。叫既海鲜都黎埋，又系一大盘既热辣辣包蚬，拣既冬阴公汁就辣左少少，要抖凉少少先食到。焗蚝同样大大只，啲海水多到流晒出黎，加埋芝士忌廉creamy 又够味。整体唔错，食物比想像中大份；唯一唔好系坐高櫈有啲背脊硬。😂