影片
更多
2024-01-30
71 浏览
今日去夜缤纷附近有啲肚饿见到呢间餐厅有木桶饭大大份好吸引，仲有啲超值套餐环境都几干净，唔会油淋淋所以就入去试吓入到去见到有个食紧饭嘅人即刻企起身serve我哋原来佢系店长我哋坐低后佢就即刻冲咗壶茶俾我哋由于我哋真系好肚饿，就叫个酸菜鱼超值二人餐呢个手拍青瓜，一睇已经知道系好入味食落去果然系咁样，仲唔会有啲冰冻雪味 非常好开头以为小炒系农家小炒肉同有机花菜二拣一点知最后两样都有仲要劲大碟！由于我同咗店长讲食唔到太辣，咁佢就帮我落微辣啲小炒肉微辣又唔会太咸炒得好有镬气好正肉嘅份量都多食极都仲有酸菜鱼一上菜劲大盘，鱼嘅份量系极多！同埋都好嫩滑，配菜都俾得好大方调味亦都系好有层次，唔会劲酸呢个餐虽然话系二人餐，其实份量多到绝对够三至四个人食真系超抵食我哋成餐饭都见到间餐厅不断接外卖平台单非常之忙碌店长基本上冇停过出菜、落单、收钱、揿外卖平台、包食物全部都系佢做楼面员工不足，搞到客人都要等少少时间先至可以落到单佢自己餐饭到我哋食完佢都仲未有机会完成搞到都唔好意思打搅佢最后勤力好客又有礼貌的店长都不忘同我讲之后会推出湘菜蒸饭可以再嚟食吓不过我想佢快啲食佢餐饭先
今日去夜缤纷附近有啲肚饿
见到呢间餐厅有木桶饭大大份好吸引，仲有啲超值套餐
环境都几干净，唔会油淋淋
所以就入去试吓
入到去见到有个食紧饭嘅人
即刻企起身serve我哋
原来佢系店长
我哋坐低后佢就即刻冲咗壶茶俾我哋
由于我哋真系好肚饿，就叫个酸菜鱼超值二人餐
呢个手拍青瓜，一睇已经知道系好入味
食落去果然系咁样，仲唔会有啲冰冻雪味 非常好
开头以为小炒系农家小炒肉同有机花菜二拣一
点知最后两样都有
仲要劲大碟！
由于我同咗店长讲食唔到太辣，咁佢就帮我落微辣
啲小炒肉微辣又唔会太咸
炒得好有镬气好正
肉嘅份量都多食极都仲有
酸菜鱼
一上菜劲大盘，鱼嘅份量系极多！
同埋都好嫩滑，配菜都俾得好大方
调味亦都系好有层次，唔会劲酸
呢个餐虽然话系二人餐，其实份量多到绝对够三至四个人食
真系超抵食
我哋成餐饭都见到间餐厅不断接外卖平台单
非常之忙碌
店长基本上冇停过
出菜、落单、收钱、揿外卖平台、包食物
全部都系佢做
楼面员工不足，搞到客人都要等少少时间先至可以落到单
佢自己餐饭到我哋食完佢都仲未有机会完成
搞到都唔好意思打搅佢
最后勤力好客又有礼貌的店长都不忘同我讲
之后会推出湘菜蒸饭
可以再嚟食吓
不过我想佢快啲食佢餐饭先
张贴
