石之牛石板日式料理 (已結業)

石之牛位系主打自助石板烧嘅餐厅，位于深水埗，距离地铁站只有5分钟步行距离，都好方便。今次我哋去试下佢嘅晚餐，石板烧嘅特色系可以自己控制肉嘅熟度，丰俭由人，净系石板牛类已经有6款选择咁多，如果唔钟意食牛，仲可以拣其他石板类，有羊架、鳗鱼、鸡扒同猪腩片。今次我试咗和牛同牛小排，套餐真系非常抵食，包日本薯条同粟米，另外仲有个迷你沙律吧，日本珍珠白饭、罗宋汤同沙律菜都可以无限追加，一定够饱肚🤭和牛差唔多系餐厅最贵嘅牛扒套餐，果然冇令我失望，牛肉质量好好，咬落去好嫩滑，而且烧得岩岩好，入口即溶，保留咗牛肉嘅鲜味，配上黑椒酱，零舍好味😋石板烧牛小排都唔逊色，大大份份量好足，肉质鲜嫩多汁，每一啖都好好味，蒜蓉汁都有惊喜，好香，醒胃又惹味。沙律菜新鲜爽脆，配上特制嘅沙律酱，真系好开胃。另外要一赞佢嘅罗宋汤，入面真系有汤料，辣辣地都好入味，我忍唔住饮咗好多碗😂自助嘅石板烧牛扒餐厅喺香港真系唔多，石之牛唔单止价钱平民化，而且牛肉质量好好，餐厅环境舒适，值得推介。石之牛石板日式料理 📍深水埗元州街153号新元州大厦地舖