四季良晨 (新都城中心) (已結業)

同屋企人黎新都城2期揾卡通人物打卡，顺手紧系过黎食埋野喇。知道呢度有四季良晨紧系要入黎医医肚。四季良晨以前黎食过真系觉得佢地既卤味做到好出色，够晒入味，真系好好食。发现佢多左新餐，原来系秘坛酸菜鱼系列，分别有跟米线，饭同埋就咁小食(2人份)一大盆。新野紧系要试下，因为我呢排都爱上食酸菜鱼所以我决定今次叫小食，钟意佢够大份，再另加白饭，咁就实饱肚喇。另外就再叫份原盅炖汤配卤水猪手定食，除左汤同卤水猪手饭，仲会加埋上汤浸时菜。卤水猪手饭同之前食一样冇得输，入味又够淋，连整完牙既屋企人冇晒牙力都轻易咁食到，呢个必试。新菜种秘坛酸菜鱼，我自己就觉得佢个辣味就轻手左，而酸味就重手左，不过好味既酸菜鱼𩠌饭系呢个夏天都系冇得顶。