凱柏冰室 (已結業)

荃湾嘅海之恋商场，越开越多美食，仲有donki可以行，同朋友行完Donki，决定喺商场入边揾嘢食。餐厅有小菜或者铁板，钟意食肉嘅我叫咗佢哋嘅铁板餐，估唔到咁抵食，可以自选唔同嘅肉类。我拣咗咖喱吉列猪扒炒蛋餐，吉列猪扒有成块面咁大，本身套餐仲附送火腿肠仔同薯条，仲可以跟饭、薯菜或者意粉，完全唔怕唔够食。而朋友就选择左黑椒猪扒香烤鸡翼餐，同样肉类一啲都唔吝啬，大大块猪扒再加三只大鸡翼，佢哋嘅薯条系幼身同埋本身已经有调味，非常香脆而且唔使点任何酱汁都好好食。