梨泰院 (愉景新城) (已結業)

呢日同朋友嚟到愉景新城，见到呢间韩国餐厅满哂场，装修好有格调，所以就入咗嚟试吓。菜式选择都唔少，我地两个人叫咗生菜包猪肉，炸鸡同牛肉紫菜包饭，嘢饮方面呢间餐厅晚市都有跟餐价，真系抵赞。同其他韩国餐厅一样，一嚟会上咗啲小菜，个泡菜几有惊喜，会食得出鳀鱼浸海鲜咸香味。韩国生菜包猪肉（$188）呢个一上到嚟见到脂肪嘅比例都几过，睇落有啲吓亲，但食落真系完全值个卡路里，一入口旧肉好肉融化咗咁，但有啲生菜成件事又唔会好油腻，值得推介。蜂蜜柚子炸鸡（半份$86）唔好睇佢红卜卜咁同柚子扯唔上关系，一入口𠮶吓真系有柚子清香，虽然话辣但其实唔算，鸡肉食落都唔难口。烤牛肉紫菜包饭（$68）好耐冇食过紫菜包饭，呢个可以解一下个心瘾，个饭卷好足料，食落一口满足。另外跟餐叫咗两杯梳打，饮落好清爽，唔会好甜。