帝樂德國餐廳 (Fashion Walk)

营业中

休息中

有一日，一班朋友话想食德国菜，就同朋友订左呢间餐厅，系食野之前，已经唔多高兴，店员服务态度差，我谂住指住个menu 话佢知食咩，佢话，咁姐系要咩咩咩啦系咪，成程黑面，未食已经嬲嬲地，其后叫野饮，好彩唔系同一个，有礼貌好多！好彩，如果唔系都真系几受气！首先黎到嘅系芝士拼盘，我超级喜欢食芝士，所以完全系我喜欢，拣嘅芝士都系比较浓的，但有朋友对芝士一般，就会觉得一般。德国肠普通，冇咩特别惊喜，都系一般的，烧鸡都系一般，烧到有啲老，唔滑，海鲜饭加嘅香料我不太喜欢，朋友就好钟意，海鲜系不错的，足料，猪手好脆，直一得一试，送酒劲正，猪手送上黎会问下我地要唔要切，如果你唔想佢帮手，都可以叫佢就咁上，但我地唔想自己黎，所以都叫左佢帮手，虽然好够脆，但啲边位就好硬，硬都咬唔开，好实！最钟意就系个薯饼，佢系刮丝再压形，煎炸完劲好食，表面劲脆，入面又好软，食得出一丝丝嘅薯仔，系食到佢真系薯仔丝！推荐呢个啲，整体佢嘅配菜都做得唔错，配菜食晒多过主菜😆😆