JK Brother's (已搬遷) 新店位置

今晚又同男朋友去咗观塘工厦食嘢 ，去到有一间好似party room嘅餐厅，但系食韩国菜嘅。 呢度嘅韩国菜绝对比市区嘅平好多， 一个韩式步兵锅都只系百几蚊 ，系油尖旺区绝对食唔到。份量仲要好大分， 个锅同我平时喺屋企打边炉个㖞咁大 ，上面铺满晒午餐肉，仲要极度厚切 ，食完都觉得好邪恶。 因为个锅太多嘢食，惊个韩式公仔面会煮得太淋，所以夹起咗。芝士蛋卷又系另一个推介， 蛋味好香浓，芝士味好重 ，一切开中间啲芝士真系即刻流晒出嚟， 见到都已经好吸引。但我最钟意都系无骨炸鸡 ，因为可以自己拣酱，我今次拣咗黑松露酱，同蛋黄酱，两个酱比较，我又觉得蛋黄酱好食啲，因为比较杰身，黑松露酱相对较浠，味道冇咁浓。