龍門冰室 (已結業)

其实猴子喺四、五个月前都帮趁过呢间龙门冰室，记得当时人流唔多，大把位坐，不过今时唔同住日，家阵可以话系座无虚席，出面经常排长龙。今次猴子叫咗一客葱油鸡扒饭，因为葱油嘅香味实在太吸引。  鸡扒煎到金黄色，皮脆肉香，虽然块鸡扒本身几厚，但内外都均匀熟透，唔会煎到外㶶内生，值得一赞。  至于葱油，猴子略嫌葱花切得唔够幼细，如果可以切到姜容咁碎就更加香气扑鼻，用嚟捞饭一流。另外油嘅份量亦可以少啲，因为鸡扒本身都几油腻。  奶茶系用港式奶茶杯，够厚够保温。