上海真真豆漿大王 (已結業)

之前食沧浪亭上海面𠮶阵，留意到对面街有间真真，今次就嚟试试先。埋去见到有人龙，但其实系买外卖。如果要堂食，见到有吉位就可以入去坐（当时系咁）。▪️粢饭 $22｜嚟食真真嘅最大目的，就系想试佢哋嘅餈饭🍚落单后即叫即包。一拎上手先知都真系几大嚿，用糯米包住肉松、榨菜、油炸鬼，咸咸甜甜。油炸鬼可能本身都唔脆，即包即食都腍腍哋。呢嚿粢饭咁大嚿，又多糯米，食一半已经好饱肚🤣留低半嚿做下午茶都仲得🙈▪️酸辣云吞面 $39｜唔记得上海嘅酸辣汤系好似打芡、碗仔翅咁杰杰哋，上到枱先恍然大悟🙈酸辣汤入面有云耳、豆腐、肉碎、猪皮、猪红碎等，再加云吞同上海面，坚饱。