米走雞 (昭德大廈) (已結業)

一直都想食呢间既芝士鸡煲好耐，今日终于有时间同朋友黎。餐厅分左2边，每边得几枱所以都唔会好迫，入面都唔会油淋淋一大阵味，坐得好舒服。由于我地得2个女仔，所以叫左个细煲，点知份量我觉得可以比4个人食！老板话佢地只会用鸡脾肉，件件又大又嫩滑，真系同一般其他鸡煲既细细粒，又冇乜肉既鸡粒差好远！除左大大嚿鸡，仲有d洋葱块，干葱粒同葱段起镬，当然唔少得另一个主角芝士啦！芝士既份量都好足，做到拉丝效果其实咁多芝士话唔会济都呃你啦，但食完鸡煲之后加左d汤稀释左就得翻淡淡芝士味，唔会愈来愈漏，可以继续下半部分打边炉！我地2个叫左好多料，包括一碟细既手切新鲜牛颈脊，牛肉肥肉分布均匀，手切既厚度岩岩好，比平时食既肥牛更浓牛肉味，更有口感，十分推荐！另外仲叫咗唔同嘅蔬菜，包括翡翠苗，豆腐同杂菇拼盘，每样都份量适中，好新鲜。而除左手切牛之外，另一推介系响铃。睇图都见到佢比平时个d大条好多，炸到非常脆，浸一浸落d汤到索哂d芝士味好正！仲要一碟有6条，非常抵食！整体来说，绝对会再encore既抵食店！