艋舺ㄟ雞排 (已搬遷) 新店位置

去开铜锣湾sogo shopping见到新开左呢间台湾炸鸡扒，见到好多人排队，我又黎买番屋企食先，今次pop-up最特别之处是一次Street food cross-over由艋舺鸡排伙拍 Grill Cambo进行，食物方面主打两间人气食店的招牌菜，舰舺的炸鸡排，grill cambo的杯装冬荫功等。我地叫左天王鸡扒，辣妹鸡扒，苔客鸡扒，由于鸡扒即炸，外皮香脆，入面一点都唔干，全部都好juicy，佢地标榜用新鲜鸡唔用雪鸡。我自己就中意辣妹鸡扒，辣辣地几惹味，小朋友就中意苔客鸡扒，海苔味道浓郁。冬荫公入面好足料，冬荫公味道酸甜开胃，少少辣，大虾爽口弹牙，草菇吸收哂冬荫公汤汁，非常多汁。酸辣凤爪凤爪爽口弹牙，加上芹菜，萝卜丝，芫茜等口感丰富。青咖喱鱼蛋大大粒口感弹牙，青咖喱味道浓郁。红肉地瓜条地瓜条香甜烟韧。