龍鳳冰室 (已結業)

中午放饭同同事嚟呢间龙凤冰室。同事话呢到食得过，我地五个人就行咗入去食饭。由于呢到多上班族，基本上到放饭时间就到到都咁多人。今次都等咗成10分钟先有枱。入到去坐低，见到都唔少明星嚟帮衬过，不过再出名既餐厅，如果食物质素差，就真系唔抵再帮衬。反而呢间冰室既食物都真系有番咁上下好味。因为我叫咗一碟炭烧肉松鸡扒饭，个鸡扒真系好大块，面头搽上薄薄一层蜜糖，直头好似自己bbq烧既鸡扒一样。而且加上肉松喺面，果阵童年回忆用肉松捞饭既感觉番哂嚟。58蚊既餐加埋杯热饮，都算系抵食。